അരീക്കോട്ടെ അര്‍ജന്‍റീനന്‍ ഫാന്‍സിന്‍റെ എല്ലാമെല്ലാമായ ഷാജിമോന്‍ കേവലം ഒരാരാധകന്‍ മാത്രമല്ല നല്ലൊരു കളിക്കാരന്‍കൂടിയാണ്. ടര്‍ഫ് പിച്ചിലെ സ്ഥിരം സാന്നിധ്യമായ ഷാജു തന്‍റെ ഫിറ്റ്നസ്സിന്‍റെ കാര്യത്തില്‍ യുവ കളിക്കാര്‍ക്കുപോലും മാതൃകയാണ്. മെസ്സിക്കുപകരംവെയ്ക്കാന്‍ ലോകഫുട്ബോളില്‍ ഒരാളും ജനിച്ചിട്ടില്ലെന്നും ഇനി ജനിക്കാന്‍ സാധ്യതിയില്ലെന്നുമാണ് ഷാജുമോന്‍ വിശ്വസിക്കുന്നത്. രംഗം കൊഴുപ്പിക്കാനായി മറ്റു ടീമുകളുടെ ആരാധകരമായ ഫ്രാന്‍സിന്‍റെ സുനില്‍ നടുത്തൊടി സുനില്‍ പി.ടി, ബ്രസീലിന്‍റെ ജിസിദ് എം.ടി, സഫുവാന്‍ ജോളി, റാഷിദ് കെ.ടി, ഇംഗ്ലണ്ടിന്‍റെ സല്‍മാന്‍ ഫാരിസ്, സിഫ്സീര്‍ കെ.വി എന്നിവരുടെ സാന്നിധ്യവും ശ്രദ്ധേയമായി. കേക്കും ലഡുവുമൊക്കം ഉഷാറായെങ്കിലും ഇത്തവണ ലോകപട്ടം നേടാന്‍ മെസ്സിക്ക് യാതൊരുവിധ അര്‍ഹതയുമില്ലെന്നാണ് സുനില്‍ പി.ടിയുടെ അഭിപ്രായം. മെസ്സിക്ക് ലഭിച്ച ആറ് ലോകപ്ലേയര്‍ നേട്ടവും ബാര്‍സലോണക്കുവേണ്ടി നടത്തിയ പ്രകടനം പരിഗണിച്ചായതുകൊണ്ട് തന്നെ അര്‍ജന്‍റീനിയന്‍ ആരാധകര്‍ക്ക് ആഘോഷിക്കാന്‍ വകയില്ല എന്നായിരുന്നു സഫുവാന്‍റെ പ്രതികരണം.
