കാലിക്കറ്റ് സര്‍വ്വകലാശാല,
കാമ്പസ് ജി. എല്‍. പി.സ്കൂളിന് പുതിയ പി.ടി.എ കമ്മറ്റി
പുതുയ ഭാരവാഹികള്‍
| 6 Oct 2018 | C.U Campus |
കാലിക്കറ്റ് സര്‍വ്വകലാശാല കാമ്പസ് സ്കൂളിന്‍റെ പുതിയ പി.ടി.എ പ്രസിഡന്‍റായി കെ.ആര്‍.പ്രശാന്ത് കുമാറിനെ തിരഞ്ഞെടുത്തു. കഴിഞ്ഞ കമ്മറ്റിയുടെ വൈസ് പ്രസിഡന്‍റായിരുന്നു സര്‍വ്വകലാശാല ജീവനക്കാരന്‍കൂടിയായ പ്രശാന്ത്. സി.എന്‍. സുനിലാണ് വൈസ് പ്രസിഡന്‍റ്. സ്കൂള്‍ മാനേജ്മെന്‍റ് കമ്മറ്റി പ്രസിന്‍റായി സുനീഷിനെയും വൈസ് പ്രസിഡന്‍റായി നാസറിനെയും തെരഞ്ഞെടുത്തു. സ്കൂളിലെ വിദ്യാര്‍ത്ഥികളുടെ അക്കാദമികവും സര്‍ഗ്ഗാത്മകവുമായ കഴിവുകളുയര്‍ത്തുന്നതിനാവശ്യമായ ഭൗതികസാഹചര്യങ്ങളൊരുക്കുന്നതില്‍ മികച്ച പ്രവര്‍ത്തനം കാഴ്ചവെച്ച മുന്‍ കമ്മറ്റിയുടെ ഗുണവശങ്ങളെ മാതൃകയാക്കിയായിരിക്കും പുതിയ കമ്മറ്റിയും പ്രവര്‍ത്തിക്കുകയെന്ന് പുതിയ ഭാരവാഹികള്‍ പറഞ്ഞു. കഴിഞ്ഞ കമ്മറ്റി തയ്യാറാക്കിയ അക്കാദമിക് മാസ്റ്റര്‍ പ്ലാന്‍ സമയബന്ധിതമായി നടപ്പിലാക്കാന്‍ പരിശ്രമിക്കും. ഈ വര്‍ഷത്തെ സ്കൂള്‍ കലോത്സവം ഒക്ടോബര്‍ 28 ന് നടത്തും. സ്കൂളിലെ വിദ്യാര്‍ത്ഥികളുടെ കായികമത്സരശേഷി വളര്‍ത്തിയെടുക്കുക എന്ന ലക്ഷ്യത്തോടെ സ്കൂളിനെ ദത്തെടുക്കാന്‍ കാലിക്കറ്റ് സര്‍വ്വകലാശാല ഫിസിക്കല്‍ എഡ്യുക്കേഷന്‍ വിഭാഗം തയ്യാറായിട്ടുണ്ട്. അതിന്‍റെ കര്‍മ്മപദ്ധതികള്‍ക്ക് വരും ദിവസങ്ങളില്‍ തുടക്കമിടും. സ്കൂളും പരിസരവും ശുചിയായി സൂക്ഷിക്കുന്നതിനു സ്ഥിരം മാതൃകാ സംവിധാനത്തെക്കുറിച്ചും കമ്മറ്റി ചര്‍ച്ച ചെയ്തതായി പുതിയ ഭാരവാഹികള്‍ പറഞ്ഞു.