'മലപ്പുറം ജില്ലാ സി.ബി.എസ്.സി കലാമേളയുടെ ലോഗോ മലയാളം സര്‍വകലാശാല വൈസ് ചാന്‍സലര്‍ ഡോ. അനില്‍ വള്ളത്തോള്‍ പ്രകാശനം ചെയ്തു. തിരൂര്‍ എം.ഇ.എസ് സെന്‍ട്രല്‍ സ്കൂളിലെ ഫാത്തിമ നൂറയാണ് ലോഗോ തയ്യാറാക്കിയത്. ഒക്ടോബര്‍ 10,11,12 തിയ്യതികളില്‍ പെരിന്തല്‍മണ്ണ ശ്രീ വള്ളുവനാട് വിദ്യാഭവനില്‍ വെച്ചാണ് കലോത്സവം. സെന്‍ട്രല്‍ സഹോദയയും സി.ബി.എസ്.ഇ സ്കൂള്‍ മാനേജ്മെന്‍റ് അസോസിയോഷന്‍ ജില്ലാ കമ്മറ്റിയും സംയുക്തമായാണ് പരിപാടികള്‍ സംഘടിപ്പിക്കുന്നത്. പ്രകാശന ചടങ്ങില്‍ സഹോദയ ട്രഷറര്‍ മനോജ് മാത്ര്യൂ, മാനേജ്മെന്‍റ് അസോസിയേഷന്‍ ജനറല്‍ സെക്രട്ടറി മജീദ് ഐഡിയല്‍, ജെയ്മോന്‍ മലേക്കുടി, ഫഹദ് പടിയം, ഹമീദ് വാഫി, അംബിക മനോജ് എന്നിവര്‍ സംബന്ധിച്ചു.
