പെനാള്‍ട്ടി നഷ്ടപ്പെടുത്തിയ യാരി മിനയെ കളിയാക്കി ലയണല്‍ മെസ്സി. കോപ അമേരിക്കയില്‍ ഇന്നു നടന്ന അര്‍ജന്‍റീന കൊളംബിയ സെമിഫൈനല്‍ മത്സരം സമനിലയായതിനെത്തുടര്‍ന്ന് പെനാള്‍ട്ടി ഷൂട്ടൗട്ടിനൊടുവിലാണ് അര്‍ജന്‍റീന രക്ഷപ്പെട്ടത്.
പെനാള്‍ട്ടി പിഴച്ച നിരാശയില്‍ തലയില്‍ കൈവെച്ചു നില്‍ക്കുന്ന കൊളംബിയന്‍ ക്യാപ്റ്റനുനേരെ "ഡാന്‍സെടുക്കെടാ" "ഡാന്‍സെടുക്കെടാ" എന്നു പറഞ്ഞു ചേഷ്ടകാണിക്കുന്ന മെസ്സിയുടെ ഇമേജുകള്‍ ടിവൈ.സി ക്യാമറയാണ് ഒപ്പിയെടുത്തത്. അര്‍ജന്‍റീനയ്ക്കും ബാര്‍സലോണയ്ക്കുമായി നിരവധി പെനാള്‍ട്ടികള്‍ നഷ്ടപ്പെടുത്തിയിട്ടുള്ള സ്ട്രൈക്കറാണ് മെസ്സി, അങ്ങനെയിരിക്കെ സറ്റോപ്പര്‍ ബാക്കായ മിനയുടെ പിഴവിനെ ഇത്തരത്തില്‍ കളിയാക്കുന്ന സാക്ഷാല്‍ മെസ്സിയുടെ അല്‍പ്പത്തരം കായികലോകത്ത് ചര്‍ച്ചാവിഷയമായിരിക്കുകയാണ്. മുമ്പ് ബാര്‍സയില്‍ സഹകളിക്കാരന്‍കൂടിയായിരുന്നു കൊളംബിയന്‍ താരം യാരി മിന.
