അണ്ടര്‍ 17 ലോകകപ്പ് ഫുട്ബോള്‍ സെമിഫൈനലില്‍ ശക്തരായ ഫ്രാന്‍സിനെ (3-2) തോല്‍പ്പിച്ച് ബ്രസീല്‍ ഫൈനലില്‍. കളിയുടെ 7, 13 മിനുട്ടികളില്‍ നേടിയ ഗോളിനു മുന്നിട്ടു നിന്ന ഫ്രഞ്ച് പടയെ 62, 76, 89 മിനുട്ടുകളില്‍ നേടിയ ത്രസിപ്പിക്കുന്ന ഗോളിലൂടെയാണ് കാനറിക്കുട്ടികളുടെ ജയം. കെയോ, വെറോണ്‍, ലസാറോ എന്നിവരാണ് ബ്രസീലിനായി വല കുലുക്കിയത്. തോല്‍വി ഏറെക്കുറെ ഉറപ്പായ ഒന്നാം പകുതിക്കുശേഷം സ്വന്തം കാണികളുടെ മുന്നില്‍ അത്ഭുതകരമായ തിരിച്ചുവരവായിരുന്നു മഞ്ഞക്കുപ്പായക്കാരുടേത്. നെതര്‍ലാന്‍റിനെ പെനാള്‍ട്ടി ഷൂട്ടൗട്ടില്‍ തോല്‍പ്പിച്ച മെക്സിക്കോയാണ് ഫൈനലില്‍ ബ്രസീലിന്‍റെ എതിരാളികള്‍.
